Abşeronda 48 yaşlı kişi arvadını döyməkdə ittiham olunub.
1978-ci il təvəllüdlü Hüseyn (ad şərtidir – red.) spirtli içki qəbul etdikdən sonra yaşadığı evə gəlib. Həyat yoldaşı Zibeydənin onun yenidən sərxoş vəziyyətdə evə gəlməsinə irad bildirməsi mübahisəyə səbəb olub.
Mübahisə zamanı Hüseyn əsəbiləşərək qadının saçından tutub dartıb, ayağına badalaq vuraraq yerə yıxıb. Daha sonra saçından tutaraq ayaqlarını döşəməyə çırpıb və taxta döşəmə boyu sürüyüb. Nəticədə qadın ayaqlarından xəsarət alıb.
Hüseyn Cinayət Məcəlləsinin 128-ci maddəsi ilə ittiham edilib. Məhkəmədə təqsirini etiraf edən şəxs əməlindən peşman olduğunu, zərəri ödədiyini və həyat yoldaşı ilə barışdığını bildirib.
Abşeron Rayon Məhkəməsinin hökmü ilə cinayət təqibinə xitam verilib və Hüseyn cinayət məsuliyyətindən azad edilib.
mənbə: demokrat.аz
