Mərhum jurnalist Nəcəf Nəcəfovun məzarındakı barelyefi oğurlayan tutulub.
Vandalizm aktı İkinci Fəxri xiyabanda (Qurd qapısı) baş verib.
Bürünc barelyef başdaşının üzərinə quraşdırılmış "Azərbaycan gəncləri" və "Azadlıq" qəzetlərinin iki səhifəsini əks etdirir.
Hadisəni törətməkdə şübhəli bilinən 1973-cü il təvəllüdlü Ü.Kazımov polis əməkdaşları tərəfindən müəyyən olunaraq saxlanılıb.
Fakta görə cinayət işi başlanılıb.
***
Müasir Azərbaycan mətbuatının banilərindən biri Nəcəf Nəcəfovun məzarından barelyef oğurlanıb.
Bakuplus.az xəbər verir ki, bu barədə jurnalist Nailə Balayeva paylaşım edib.
Məlumata görə, hadisə sentyabrın 9-u səhər tezdən məlum olub. Vandalizm aktı İkinci Fəxri xiyabanda (Qurd qapısı) baş verib.
Qeyd edək ki, bürünc barelyef başdaşının üzərinə quraşdırılmış "Azərbaycan gəncləri" və "Azadlıq" qəzetlərinin iki səhifəsini əks etdirir. Nəcəf Nəcəfov 80–90-cı illərdə hər iki qəzetin redaktoru, sonradan isə milli azadlıq hərəkatının liderlərindən biri olub.
Nəcəf Nəcəfov 1999-cu ildə vəfat edib.
2004-cü ildə Prezident İlham Əliyev Azərbaycanın müstəqil jurnalistikasının formalaşmasındakı böyük xidmətlərinə görə Nəcəf Nəcəfovu ölümündən sonra "Şöhrət" ordeni ilə təltif edib.
