Bakıda qızları fahişəliyə cəlb edən qadın həbs olunub.
Bakuplus.az-ın məlumatına görə, hadisənin istintaqı Nərimanov Rayon Məhkəməsində keçirilib.
Belə ki, təqsirləndirilən Nigar (ad şərtidir) gəlir əldə etmək məqsədi ilə yetkinlik yaşına çatmayan, 16 yaşlı rəfiqəsi Səkinəni (ad şərtidir) fahişəliyə cəlb edib. Onu razı salaraq pul müqabilində cinsi əlaqədə olması üçün tanıdığı kişilərlə görüşdürüb.
Bundan başqa digər rəfiqəsi Lətifəni də (ad şərtidir) bu yolla yaxşı pul qazanmağa inandıraraq kişilərlə görüşə cəlb edib. Nəticədə hər ikisini 5-6 dəfə pul müqabilində kişilərlə cinsi əlaqəyə məcbur qoyub.
Nigar Cinayət Məcəlləsinin 171-ci (tamah niyyəti ilə fahişəliyə cəlb etmə) maddəsi ilə ittiham elan edilib.
Pul qazanmaq üçün…
Cinayət işi üzrə təqsirləndirilən şəxs qismində ifadə verən Nigar ona elan olunmuş ittiham üzrə özünü təqsirli bilib:
“Bakıda yaşadığım müddətdə indi adını tanımadığım müxtəlif rəfiqələrim var idi. Həmin qadınlarla restoranlarda kişilərlə bərabər otururduq. Maddi cəhətdən sıxıntılarım olduğu üçün tanıdığım qadınları kişilərlə görüşdürüb, fahişəliyə cəlb etməyə qərar verdim. Hər şey onların razılığı ilə olub. Səkinənin yetlinlik yaşına çatmadığını bilirdim. Əməlimdən peşmanam”.
İş üzrə zərərçəkmiş Səkinə və Lətifənin ifadələri eynilik təşkil edib. Onların sözlərinə görə, Nigarla restoranda tanış olublar. Qadınla “WhatsApp” vasitəsi ilə danışıb, kişilərlə görüşürmüşlər.
Məhkəmənin yekun qərarı ilə Nigar 3 il 3 ay müddətində azadlıqdan məhrum edilib.
Fidan İlqar
