Bakıda mənzildə ata və 13 yaşlı oğlu dəm qazından ölüb, digər azyaşlı övladı zəhərlənib.
Apa.az xəbər verir ki, iyunun 7-si saat 17 radələrində 20 Yanvar küçəsində mənzildə yaşayanlar - 1974-cü il təvəllüdlü Əbülfəz Abıyev və onun oğlu 2013-cü il təvəllüdlü Kamran dəm qazından zəhərlənərək ölüblər.
Ailənin digər övladı - 2005-ci il təvəllüdlü Nurlan zəhərlənmə əlaməti ilə xəstəxanaya çatdırılıb.
Onun vəziyyətinin ağır olduğu bildirilir.
Faktla bağlı Nəsimi rayon Prokurorluğunda araşdırma aparılır.
***
11:30
Bakıda 7-ci sinif şagirdi vəfat edib.
Bu barədə Nəsimi rayon 247 saylı orta məktəbin rəsmi sosial şəbəkə hesabında məlumat paylaşılıb.
Məktəb 13 yaşlı Kamran Abıyevin ölüm səbəbini açıqlamayıb.
Qafqazinfo.аz isə məlumat yayıb ki, Kamran Abıyev və atası Əbülfəz Abıyev yaşadıqları evdə qazdan boğularaq ölüblər.
Qeyd edək ki, hadisə Bakı şəhər Binəqədi rayonu 9-cu mikrorayon ərazisində baş verib.
Faktla bağlı Binəqədi Rayon Prokurorluğunda araşdırma aparılır.
