Bakıda keçirilən “İslamofobiya: Qərəzin ifşa olunması və stiqmaların dağıdılması” mövzusunda 3-cü beynəlxalq konfrans öz işini yekunlaşdırıb.
Bakuplus.az-ın xəbərinə görə, iki gün davam edən tədbirdə dünyanın müxtəlif ölkələrindən gəlmiş alimlər, siyasətçilər, din xadimləri və beynəlxalq təşkilat nümayəndələri iştirak ediblər. Konfransda İslamofobiyanın artan miqyası, onun səbəbləri və nəticələri müzakirə olunub, bu tendensiyaya qarşı beynəlxalq həmrəylik və mübarizə yolları vurğulanıb.
Tədbirin sonunda iştirakçılar konfransın nəticələrinə dair yekun kommünike qəbul ediblər. Kommünikenin mətnini Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev oxuyub.
