Ali Məhkəmədə keçmiş sevgilisini öldürməkdə təqsirləndirilən Ruhiyyə Tahirovanın barəsindəki qərardan verilən kassasiya şikayəti üzrə məhkəmə iclası başa çatıb.
Hakim Teyyub Muxtarovun sədrliyi ilə keçirilən prosesdə qərar elan olunub.
Qərara əsasən, kassasiya şikayəti təmin edilməyib.
İttihama görə, təqsirləndirilən R.Tahirova qeyri-rəsmi yaşadığı Samir İsrafilova nikaha daxil olmaq istədiyini bildirib. İstafilov isə onunla vaxt keçirdiyini, ailə qurmaq niyyəti olmadığını söyləyib. Tahirova bunu təhqir kimi qəbul edib. Onların arasında mübahisə yaranıb. Zərərçəkmiş şəxs təqsirləndirilən şəxs kəsici alətlə İsrafilova xəsarət yetirib, nəticədə o, həyatını itirib.
Qadının barəsində Cinayət Məcəlləsinin qəsdən adam öldürmə maddəsi ilə ittiham irəli sürülüb.
O, cinayətdə özünü təqsirli bilib.
Bakı Ağır Cinayətlər Məhkəməsinin hökmü ilə Ruhiyyə Tahirova 10 il müddətinə azadlıqdan məhrum edilib.
