Bakının Şağan qəsəbəsində baş vermiş qardaş qətlinin bəzi təfərrüatları məlum olub.
Teleqraf.аz-ın məlumatına görə, 36 yaşlı qardaşı Qismət Teymurov tərəfindən ov tüfəngi ilə öldürülən 41 yaşlı Qamət Teymurov əvvəllər məhkumluq həyatı yaşayıb.
O, qəsəbə sakini Ayfər adlı şəxsi qətlə yetiribmiş.
İki qardaş arasında münaqişə isə Qamətin içki aludəçisi olması səbəbindən baş verib.
Qeyd edək ki, ötən gün axşam saatlarında Xəzər rayonunun Şağan qəsəbəsində Qismət Teymurov ailə münaqişəsi zəminində qardaşı Qamət Teymurovu ov tüfəngi ilə qətlə yetirib.
Qismət Teymurov saxlanılıb.
