“Beşmərtəbə” Füzuli küçəsi, 15 ünvanında yerləşən Bakının tarixi binalarından biridir. Bakuplus.az-ın məlumatına görə, 1929-cu ildə tikilən bu bina Bakıda ilk çoxmərtəbəlidir, buna görə də el arasında “Beşmərtəbə” adını alıb. Sovet dövründə "Metalist" yaşayış binası kimi tikilib.
Bina geniş yolun ayrıcında yerləşdiyinə görə ilk yeraltı keçidlər sonralar burada yaranıb.
Beşmərtəbənin yerində Abbasqulu ağa Bakıxanovun qızı Töhrə xanıma məxsus birmərtəbəli karvansara olub. Həmin ərazidə bazar da var imiş. 1903-cü ildə şəhər hakimiyyəti antisanitariya və kriminogen vəziyyətə görə bazarı sökmək qərarına gəlir. Sonra karvansaranın yerində “Beşmərtəbə” tikilib.
"Sovet Azərbaycanının memarlığı" kitabına görə, binanın memarları M.S.Finkelşteyn və A.M.Şuşerov, "Azərbaycan Milli Ensiklopediyasına" görə isə A.A.Nikitin olub.
