Rəqəmsal İnkişaf və Nəqliyyat Nazirliyinin tabeliyində olan “Bakı Telefon Rabitəsi” MMC (“Baktelecom”) 1 Gbit/s internet sürətinin testdən keçirilməsini başa çatdırıb. Bu haqda bu gün, 6 iyun tarixində Bakuplus.az nazirliyə istinadən məlumat verir.
Testlər nəticəsində “Baktelecom” Azərbaycanda ilk dəfə olaraq 1 Gbit/s maksimum sürətə çata bilib.
1 Gbit/s sürətlə internetdən istifadə yalnız bu sürəti dəstəkləyən mobil və ya kompüter cihazlarında və “Baktelecom”un təqdim etdiyi xüsusi modem vasitəsilə mümkündür.
Böyük ərazilərdə əlavə sürət paylayıcılarının köməyi ilə 1 Gbit/s sürətin səmərəli və fasiləsiz təmin edilməsinə nail olmaq mümkündür.
