Bakı Nəqliyyat Agentliyinə (BNA) məxsus “BakuBus” MMC-nin direktoru vəzifəsinə yeni təyinat olub. Bu haqda 20 oktyabr tarixində Report xəbər verib.
Məlumata əsasən, qurumun direktoru Tural Məhmudov vəzifəsindən azad edilərək, şirkətə rəhbərlik Elnur Qarayevə həvalə olunub.
Mahmudov nəqliyyat müəssisəsinin rəhbərliyinə bu ilin əvvəlində gətirilmişdir.
“BakuBus” Nazirlər Kabinetinin 3 aprel 2014-cü il tarixli qərarı ilə Bakı Şəhər İcra Hakimiyyətinin tabeliyində yaradılmışdır. Nizamnamə kapitalı 30 milyon manat olan şirkət paytaxtda avtobuslarla beynəlxalq standartlara uyğun sərnişindaşıma xidməti göstərir.
