Bakı bulvarına balıqlar axın etməyə başlayıb. Bu haqda bu gün, 30 may tarixində Bakuplus.az ATV-yə istinadən xəbər verir.
Paytaxtın mərkəzində, Dənizkənarı Milli Parkın sahillərində balıqlar kütləvi şəkildə dənizin üzünə çıxırlar. Bu da insanların marağına səbəb olur.
“İnsanı yaxşı sakitləşdirir. Yəqin burada onları yemləyirlər deyə gəlirlər. Balıqların belə kütləvi görünməsi qəşəng görüntüdür”, – deyə sakinlər bildirirlər.
Biologiya üzrə Fəlsəfə Doktoru Süleyman Süleymanov deyir ki, bu hal miqrasiya ilə əlaqədardır. Belə ki, dənizin kənarı daha isti olduğundan balıqlar sahillərə axın edir. Onun sözlərinə görə, isti aylarda bu mənzərə daha tez-tez müşahidə olunacaq.
