Paytaxtın Nərimanov rayonu Fətəli Xan Xoyski küçəsi,5 ünvanında keçirilən bal yarmarkası 3 günə yekunlaşacaq. Satışda qalan arıçılıq məhsulları endirimlə satılır.
Kənd Təsərrüfatı Nazirliyinin və Azərbaycan Arıçılar Assosiasiyası tərəfindən təşkil olunan yarmarka oktyabrın 20-dən fəaliyyət göstərir. Ümumilikdə, satışda 250 arıçı iştirak edir. Yüzdən çox bal çeşidinin satıldığı yarmarkada məhsulun qiymətini arıçılar özləri müəyyən edir.
Yarmarka saat 09:00-dan 19:00-dək fasiləsiz həftənin hər günü işləyəcək. Ticarət meydançasını ziyarət etmək istəyənlər Covid-19 pasportu və ya immunitet sertifikatı təqdim etməlidirlər.
Məhsulların keyfiyyəti Azərbaycan Qida Təhlükəsizliyi İnstitutun səyyar qida laboratoriyası tərəfindən yoxlanılır.
