Bakıda keçirilən bal yarmarkasında satılan balın miqdarı açıqlanıb. Bu haqda bu gün, 30 oktyabr tarixində Bakuplus.az Kənd Təssərrüfatı Nazirliyinə istinadən xəbər verir.
Nərimanov rayonu, Fətəli xan Xoyski küçəsi, 5 ünvanında keçirilən yarmarkada 95 ton arıçılıq məhsulu satışa çıxarılmışdır. Onun 62 tonu, yəni 65%-i satılıb. Satılan məhsulların 1,5 tonu Qarabağ və Şərqi Zəngəzur iqtisadi rayonlarının payına düşüb.
Yarmarkada 250 arıçı iştirak edib. Ümumilikdə yarmarkada 57,6 ton çiçək və 20,5 ton cökə balı satışa çıxarılıb. Çiçək və cökə balları yarmarka dövründə satışa təqdim olunan arıçılıq məhsullarının 80%-ni təşkil edib.
