Sabunçu rayonunda antisanitariya şəraitində işləyən un məmulatlarının istehsal müəssisəsi bağlanıb. Bu barədə 2 sentyabr tarixində Azərbaycan Respublikasının Qida Təhlükəsizliyi Agentliyi (ARQTA) məlumat verib.
Sabunçu rayonu, Balaxanı qəsəbəsi, Ə. Ələkbərov küçəsində fəaliyyət göstərən müəssisədə ARQTA plandankənar yoxlama keçirib. Məlum olub ki, sex qanunsuz fəaliyyət göstərir. Burada sanitar-texniki və sanitar-gigiyenik qaydalara əməl olunmur, vaxtı-vaxtında dezinfeksiya işləri aparılmır. Eyni zamanda istifadə olunan sobanın, işçi masaların, araba və listlərin, qabların, alət və ləvazimatların və unlu məmulatlar yığılan rəfin istismar müddətinin bitdiyi, onların təmizlənməsi, dezinfeksiyası normalara uyğun olaraq aparılmadığı müəyyən edilib.
Vasif Quliyeva məhsus olan bu müəssisənin fəaliyyəti məhdudlaşdırılıb və o, inzibati məsuliyyətə cəlb olunub.
Qeyd edək ki, sosial şəbəkədə daha öncə "Bakı pryaniki" əmtəə nişanlı məhsulun kiflənməsi, içərisində kənar cisimlərin olması ilə bağlı məlumat yayılmışdır.
[caption id="attachment_3991" align="alignnone" width="264"]
afsa.gov.az[/caption]
[caption id="attachment_3990" align="alignleft" width="266"]
afsa.gov.az[/caption]
.
