Bu gün, 19 oktyabr tarixində “Muğan Bank”ın lisenziyasının ləğv olunması ilə bağlı məlumat yayılıb. Bu, Azərbaycanda bu il ikinci bankın bağlanmasıdır. Bakuplus.az bağlanan bankların əmanətçilərinin vəsaitlərini geri almaq üçün nə etməli olduqlarını öyrənib.
“Muğan Bank” Əmanətlərin Sığortalanması Fondunun (ƏSF) üzvüdür və əhalinin bu bankda sığortalanmış əmanətləri üzrə kompensasiyaları fond qanunvericiliyə müvafiq qaydada ödəyəcək.
Belə ki, qanuna əsasən, qorunan əmanətlərin illik faiz dərəcəsi:
Kompensasiya ƏSF tərəfindən həyata keçirilir və əhalinin müxtəlif qrupları üçün müvafiq limitlər təmin edilib:
Fond kompensasiyanı ərizəçinin ərizəsini qəbul etdiyi gündən ən geci 90 təqvim günü ərzində ödəməlidir. Müstəsna hallarda fondun Himayəçilik Şurasının qərarı ilə fond kompensasiyaların ödəniş müddətini 90 təqvim gününədək uzada bilər.
Milli valyutada olan əmanətlər üzrə kompensasiya manatla, xarici valyutada olan əmanətlər üzrə isə əmanətlərin valyutasında ödənilir. Digər valyutalar Mərkəzi Bankın müvafiq valyutalar üzrə müəyyən etdiyi rəsmi məzənnələr əsasında hesablanmış çarpaz məzənnə üzrə hesablanır və ödənilir. Əgər əmanətçinin bir bankda bir neçə valyutada əmanəti varsa, ümumi məbləğ manatla kompensasiya olunur.
Bir müddət sonra fond “Muğan Bank” əmanətçilərinin sənədləri təqdim etmək üçün əlaqə saxlaya biləcəyi dəqiq ünvanı təqdim edəcək. Xəbərləri vebsaytda, həmçinin Facebook və Instagram sosial şəbəkələrində izləyə bilərsiniz.
