Bakı Ali Neft Məktəbinin (BANM) tələbəsi magistraturaya qəbulda ən yüksək nəticəni göstərib. Bu haqda bu gün, 2 may tarixində Bakuplus.az Unikal.az-a istinadən xəbər verir.
Təhsil ocağının Proseslərin avtomatlaşdırılması mühəndisliyi ixtisasının V kurs tələbəsi Qəhrəman Kazımlı magistraturaya qəbul imtahanlarında (essesiz) 86 bal toplayıb. O, rus bölməsi üzrə ən yüksək nəticəni göstərib.
Qəhrəman 2019-cu ildə Bakı Ali Neft Məktəbinə 678,7 balla qəbul olub. Prezident təqaüdçüsüdür. Erasmus+ mübadilə proqramı ilə III kursda 1 semestr İspaniyanın Alkala Universitetində təhsil alıb. Bu il SOCAR-in “Gənc İstedadlar Proqramı”na seçilib. Hazırda SOCAR-in İnformasiya Texnologiyaları və Rabitə İdarəsində təcrübə keçir.
