Bakının mərkəzində baxımsız qalan fayton atı reabilitasiyaya göndərilib. Bu haqda bu gün, 15 avqust tarixində Bakuplus.az Oxu.az-a istinadən xəbər verir.
Bakının mərkəzində görüntülənən baxımsız halda qalmış və ayaqları zədələnmiş fayton atı reabilitasiyaya cəlb olunub. O, xüsusi nəqliyyat vasitəsi ilə IDEA Heyvanlara Qayğı Mərkəzinə gətirilib, burada ilkin baytarlıq müayinəsindən keçirilib və onun müalicəsinə başlanılıb. Hazırda atın həyatına hər hansı təhlükə yoxdur.
Son günlərdə sosial şəbəkələrdə Qız qalası yaxınlığından Azneft meydanı istiqamətində turist daşımaq üçün istifadə edilən fayton atının baxımsız qalması ilə bağlı məlumatlar yayılmışdı.
