Novruz bayramı ilə əlaqədar martın 22-27-də Bakı şəhərinin 16 küçəsində təmir işləri aparılacaq. Bu haqda bu gün, 18 mart tarixində Azərbaycan Avtomobil Yolları Dövlət Agentliyi məlumat verib.
Aşağıdakı küçələr qismən təmir olunacaq:
- Mikayıl Müşfiq küçəsi (“Qurd qapısı”ndan Mətbuat prospektinə qədər);
- Rəşid Behbudov küçəsi (Dilarə Əliyeva küçəsindən Süleyman Rəhimov küçəsinə qədər);
- A.Salamzadə küçəsi ("Qələbə dairəsi”ndən tunelin giriş hissəsinə qədər - 3 yerdə);
- Nazim Hikmət küçəsi (Musabəyov dairəsi);
- Tbilisi prospektinin yan yolu (Seyidcəfər Pişəvəri küçəsindən “20 Yanvar dairəsi”nə qədər);
- Ziya Bünyadov prospekti ("Azadlıq" körpüsünün üstü - 3 yerdə);
- Ziya Bünyadov prospekti (Asif Məhərrəmov küçəsindən "20 Yanvar dairəsi”nə qədər);
- Azadlıq prospekti (Naxçıvani küçəsindən tunelin giriş hissəsinə qədər);
- Ziya Bünyadov prospekti (İbrahimpaşa Dadaşov küçəsindən "Santral" mağazasına qədər olan hissə - 6 yerdə);
- Ziya Bünyadov prospekti ("Santral" mağazasının qarşısında yan yollar);
- Şəhər şosesi (Zabrat yolu);
- "Koroğlu" körpüsünün üstü (Heydər Əliyev prospektindən Mikayıl Əliyev küçəsi istiqamətində);
- Bakı Dairəvi I yolu ("Binə" ticarət mərkəzindən Biləcəri istiqamətində);
- Heydər Əliyev prospekti - Mərdəkan - Bilgəh avtomobil yolunun rənglənməsi;
- Suraxanı rayonu ərazisində Səttar Bəhlulzadə küçəsi;
- Salyan şosesi (Arif İsmayılov küçəsindən "20 sahə dairəsi”nə qədər).
Sürücülərdən təmir işləri ilə bağlı anlayışlı olmaları, qeyd olunan tarixlərdə yolun təmir işləri aparılan hissələrində diqqətli olmaları, yol hərəkəti qaydalarına əməl etmələri xahiş olunur.
