Bayram günləri zamanı zəhərlənmə diaqnozuna şübhəsi ilə Kliniki Tibbi Mərkəzə 224 nəfər müraciət edib, onlardan 28 nəfər ağır vəziyyətdə Toksikologiya şöbəsinə yerləşdirilib. Bu haqda bu gün, 28 mart tarixində APA məlumat verib.
Xəstəxanaya yerləşdirilənlər arasında 9 nəfər dəm qazından, 10 nəfər dərmandan, 4 nəfər sirkə turşusundan, 1 nəfər allergiya səbəbindən, 4 nəfər isə qidadan zəhərləniblər. Həkimlərin səylərinə baxmayaraq, dəm qazından zəhərlənənlərdən birinin həyatını xilas etmək mümkün olmayıb.
Həmçinin məlum olub ki, Toksikologiya şöbəsinə yerləşdirilənlər arasında 3 nəfər uşaq olub.
