Novruz bayramı ilə əlaqədar bayram ərəfəsində və bayram günlərində (15-27 mart) Azərbaycanda fəaliyyət göstərən bütün avtovağzallar gücləndirilmiş iş rejiminə keçəcək. Bu barədə Bakuplus.az Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinə (AYNA) istinadən məlumat verir.
Bakı Beynəlxalq Avtovağzal Kompleksi avtobusların xətlərdən çıxan intervalına, eləcə də sürücülərin sərnişindaşıma zamanı təhlükəsizlik qaydalarına riayət etmələrinə nəzarət edəcək.
Sərnişin sıxlığının qarşısını almaq üçün xəttə lazımi sayda əlavə avtobuslar buraxılacaq. Daşımalara 150-dən çox əlavə nəqliyyat vasitəsinin cəlb olunması nəzərdə tutulur.
