Kiçik və Orta Biznesin İnkişafı Agentliyi və Bakı Biznes Universiteti Anlaşma Memorandumu imzalayıb. Bu haqda Bakuplus.az 24 iyun tarixində məlumat verir.
Sənədi KOBİA-nın idarə heyətinin sədri Orxan Məmmədov və Bakı Biznes Universitetinin rektoru İbad Abbasov imzalayıblar.
Sənəddə elm və özəl sektor arasında praktiki əlaqələrin genişləndirilməsi, tələbələr arasında biznes ideyalarının formalaşdırılması, innovativ təşəbbüslərin reallaşdırılmasına dəstək, tələbələrin könüllülük fəaliyyətinə təşviqi və digər məsələlərlə bağlı birgə fəaliyyətin həyata keçirilməsi, müştərək layihələrin icra edilməsi nəzərdə tutulur.
KOBİA nümayəndələri, həmçinin karyera sərgisi ilə tanış olublar. Universitetdə təhsil aldığı müddətdə fərqlənən tələbələrə fəxri fərmanlar təqdim olunub.
