Beynəlxalq Avtomobil Federasiyanın (FIA) prezidenti Mohammed Əhməd bin Sulayem “Formula-1” Azərbaycan Qran-prisi çərçivəsində aprelin 27-dən 30-dək Bakıya gələcək. Bu haqda bu gün, 27 aprel tarixində Qafqazinfo məlumat verib.
Mohammed Əhməd bin Sulayem Azərbaycan Avtomobil Federasiyasının prezidenti Anar Ələkbərovla görüşəcək, eyni zamanda yarış ərəfəsində “Formula 1” Azərbaycan Qran-prisinin keçiriləcəyi treklə tanış olacaq, Azərbaycan Qran-prisi qaliblərinin mükafatlandırma mərasimində iştirak edəcək.
FİA-nın Baş Assambleyasının iclası və ilin sonunda mükafatlandırma mərasimi zamanı dünyanın hər yerindən avtomobil təşkilatları, avtomobil idmanının tanınmış simaları Bakıda bir araya gələcəklər.
