Beynəlxalq axtarışda olan dələduzluqda təqsirləndirilən şirkət rəhbərinin cinayət işi Bakı Ağır Cinayətlər Məhkəməsinə göndərilib. Bu haqda bu gün, 15 mart tarixində APA məlumat verib.
Cinayət işi hakim Azad Məcidov tərəfindən baxılacaq.
2017-ci ildə Rövşən Zalov özünü turizm şirkətinin rəhbəri kimi təqdim edərək Almaniyada yaşamaq və işləmək üçün viza açıb göndərəcəyini vətəndaşlara vəd edib. Onun əvvəllər də sui-istifadə və dələduzluqla məşğul olan bir qrup şəxslə əlbir olaraq, dəfələrlə dələduzluq etdiyinə görə şübhəli bilinir.
Rövşən Zalov beynəlxalq axtarışa verilib. Bir müddət sonra, o, müəyyən edilərək Baş Prokurorluğun Türkiyənin Baş Prokurorluğuna etdiyi sorğu təmin edilməklə Ədliyyə Nazirliyinin Penitensiar Xidmətinin xüsusi konvoyunun müşayiəti ilə Azərbaycana ekstradisiya edilib.
