Biletim.az portalına daha bir istiqamət üzrə onlayn bilet satışı əlavə edilib. Rəqəmsal İnkişaf və Nəqliyyat Nazirliyinin mətbuat xidmətindən verilən məlumata görə, sərnişinlər artıq Bakı-Naxçıvan marşrutu üzrə avtobuslara bilet ala bilərlər. Bu haqda bu gün, 19 oktyabr tarixində Bakuplus.az məlumat verir.
Portala əlavə edilən istiqamətlərin sayı hazırda 40-a çatıb. Onlayn bilet satışı sistemi mərhələli şəkildə bütün daşıyıcıları və sərnişindaşıma sahəsində xidmət göstərən avtovağzalları əhatə edəcək. Hazırda sistemə qoşulan daşıyıcıların sayı 92-yə, nəqliyyat vasitələrinin sayı isə 223-ə yüksəlib.
Biletləri əldə etmək üçün biletim.az saytında qeydiyyatdan keçmək lazımdır. “Biletim” mobil tətbiqini isə App Store və Google Play-dən yükləmək olar.
