Daxili İşlər Nazirliyinin paytaxtda yerləşən idarələrində kadr dəyişiklikləri baş verib. Bu haqda bu gün, 24 sentyabr tarixində Bakuplus.az Qafqazinfo-ya istinadən xəbər verir.
Polis polkovnik-leytenantı Ramil Cəbiyev Binəqədi RPİ-nin 40-cı Polis Bölməsinin rəisi vəzifəsindən azad olunaraq Sabunçu RPİ-nin 13-cü Polis Bölməsinə rəis təyin edilib.
Qaradağ RPİ-nin 10-cu Polis Bölməsinin rəisi Nizami Novruzov isə vəzifəsindən azad edilərək 40-cı Polis Bölməsinə rəis təyin edilib.
Hər iki təyinatla bağlı general-polkovnik Vilayət Eyvazov əmr imzalayıb.
