Binəqədi rayon Məhkəməsində 70 nəfərə zərər verən şirkət sahibinə hökm oxunub. Bu haqda 14 oktyabr tarixində bakivaxti.az xəbər verib.
12 sentyabr 2020-ci ildə qida hazırlayan və daşıyan şirkət Bakıda keçirilən müsabiqənin iştirakçılarını qida ilə təmin etmişdir. Qidaları keyfiyyətsiz olduğuna görə müsabiqə iştirakçılarının səhhəti pisləşmiş, daha sonra onların zəhərlənmənməsi müəyyən olmuşdur.
Məhkəmə zalında şirkətin sahibi Tamilla Sadıqovaya 2 min manat cərimə cəzası verilib. Sadıqova barəsində Cinayət Məcəlləsinin laqeyd münasibəti nəticəsində öz xidməti vəzifəsini yerinə yetirməməsi maddəsi ilə cinayət işi başlanılıb.
Qeyd edək ki, hadisə “Yüksəliş” İctimai Birliyinin keçirdiyi müsabiqə zamanı baş vermişdir.
