Paytaxt ərazisində gənc oğlanı öldürməkdə təqsirləndirilən şəxsə hökm oxunub. Bu haqda bu gün, 25 iyul tarixində Bakuplus.az Report-a istinadən xəbər verir.
Bakı Ağır Cinayətlər Məhkəməsinin hakimi Azər Tağıyevin səsləndirdiyi hökmə əsasən, Həsənağa Əliyev 17 il müddətinə azadlıqdan məhrum edilib.
Hadisə ötən ilin noyabr ayında Binəqədi rayonunda baş verib. 29 yaşlı Həsənağa Əliyevin İzmir Savadov ilə aralarında mübahisə yaranan zaman o, sonuncunu bıçaqlayıb. Mübahisə tərəflərin avtomobillərinin üz-üzə gəlməsi və bir-birlərinə yol verməməsi səbəbindən baş verib.
Həsənağa Əliyev şübhəli şəxs qismində tutulub. Ona qarşı Cinayət Məcəlləsinin “Xuliqanlıq niyyəti ilə qəsdən adam öldürmə” maddəsi ilə ittiham irəli sürülüb.
