Bakıda daha bir əmək yarmarkası keçiriləcək. Bu haqda bu gün, 10 iyun tarixində Bakuplus.az Dövlət Məşğulluq Agentliyinə istinadən xəbər verir.
Yarmarka yalnız Sənaye və İnnovasiyalar üzrə Bakı Dövlət Peşə Təhsil Mərkəzinin tələbə və məzunları üçün nəzərdə tutulub. Tədbirdə 25 müəssisədən 250 müxtəlif vakansiya təqdim olunacaq.
Vakansiyalar, iş öhdəlikləri və şərtlər haqqında daha ətraflı məlumat yarmarkada iştirak edən şəxslərə təqdim olunacaq.
Yarmarkaya gələn namizədlərin şəxsiyyət vəsiqələrini təqdim etmələri mütləqdir. Namizədlərin CV nümunəsi ilə birlikdə gəlmələri arzuolunandır.
Yarmarka 11 iyun saat 11:00-13:00 arası Bakı şəhəri, Binəqədi rayonu, Dərnəgül qəsəbəsi, Koroğlu Rəhimov küçəsi, 76 ünvanında, Sənaye və İnnovasiyalar üzrə Bakı Dövlət Peşə Təhsil Mərkəzində keçiriləcək.
