Binəqədi rayonu, “Elite” ticarət mərkəzinin qarşısındakı ehtiyat hissələri bazarının girişində yarasız və sahibsiz vəziyyətdə olan beş avtomobil oradan uzaqlaşdırılıb. Bu haqda BakuPlus.az Avtosfer.az-a istinadən bu gün, 21 noyabr tarixində xəbər verir.
İki ildir həmin ərazidə qalan avtomobillər ərazidə qaz çəkilişi zamanı ustalara çətinlik yaradıb. Orada yaşayan sakinlər də vəziyyətdən şikayətçi olublar.
Müraciət əsasında Binəqədi rayon Dövlət Yol Polisi Şöbəsinin əməkdaşları hadisə yerinə baxış keçiriblər. Həqiqətən, antisanitariyanın hökm sürdüyünü, eyni zamanda qaz çəkilişinə maneə yaratdığını nəzərə alaraq evakuator vasitəsilə avtomobillər cərimə meydançasına aparılıb.
