Binəqədi rayonunda narkotik alverinə qarşı əməliyyatlar keçirilib. Bu haqda bu gün, 2 avqust tarixində Bakuplus.az Daxili İşlər Nazirliyinə istinadən xəbər verir.
İyul ayı ərzində keçirilən silsilə tədbirlər zamanı narkotiklərlə əlaqəli 115 fakt aşkarlanıb. Qanunsuz dövriyyədən 6 kiloqramdan artıq müxtəlif növ narkotik və psixotrop maddələr çıxarılıb.
Aşkar olunan faktlarla bağlı Cinayət İşləri başlanıb, araşdırmalar davam etdirilir.
Bundan əlavə, ötən ay vətəndaşlarla aparılaran profilaktik tədbirlərin nəticəsi olaraq 4 “Kalaşnikov” avtomatı, 2 “Makarov” tapançası və 43 ədəd patron polis əməkdaşlarına təhvil verilib.
