Bakının Binəqədi rayonunda yeləşən çörək sexində nöqsanlar aşkarlanıb. Bu haqda bu gün, 11 iyul tarixində Bakuplus.az Fövqəladə Hallar Nazirliyinə (FHN) istinadən xəbər verir.
Binəqədi qəsəbəsində yerləşən “Binəqədi Çörək” MMC-yə məxsus çörək istehsalı sahəsində yoxlama zamanı yanğın təhlükəsizliyinin təmin edilməsi tədbirlərinin işlənib hazırlanmadığı, bəzi sahələrin yanğınxəbərverici siqnalizasiya qurğusu ilə təmin olunmadığı, quraşdırılmış yanğınxəbərverici siqnalizasiya qurğusunun isə işlək vəziyyətdə olmadığı aşkar edilib.
Əlavə olaraq, obyektdə elektrik təsərrüfatı “Elektrik Qurğularının Quraşdırılması Qaydası”nın tələblərinə uyğun quraşdırılmayıb və obyekt yanğın su hovuzu ilə təmin edilməyib.
Aşkar olunan faktlarla bağlı çörək sexinin fəaliyyəti dayandırılıb, sahibkar məsuliyyətə cəlb edilib.
