Bir nəfəri öldürməkdə, digərini isə öldürməyə cəhd etməkdə təqsirləndirilən şəxslərin ibtidai istintaqı bitib. Bu haqda bu gün, 2 noyabr tarixində Bakuplus.az Report-a istinadən xəbər verir.
Təqsirləndirilənlər – Orxan Zeynalov və İlqar Abdurahmanov barəsində toplanan materiallar baxılması üçün Bakı Ağır Cinayətlər Məhkəməsinə göndərilib.
Cari il martın 16-da Nəsimi rayonunda yerləşən restoranların birində 35 yaşlı Cəsarət Vəliyev bıçaqlanaraq öldürülüb, Camal Həsənov isə xəstəxanaya yerləşdirilib.
Orxan Zeynalov və İlqar Abdurahmanova Cinayət Məcəlləsinin “Bir qrup şəxs tərəfindən xuliqanlıq niyyəti ilə qəsdən adam öldürmə və qəsdən adam öldürməyə cəhd” və digər maddələri ilə yekun ittiham irəli sürülüb.
