Azadlığa buraxılan MMA döyüşçüsü yenidən tutulub. Bu haqda bu gün, 29 aprel tarixində Bakuplus.az APA-ya istinadən xəbər verir.
Bir neçə gün əvvəl məhkəmə zalından azadlığa buraxılan MMA döyüş növü üzrə idmançı Vüqar Kərəmov yenidən həbs edilib. Bununla bağlı Bakı Apellyasiya Məhkəməsi qərar qəbul edib.
Vüqar Kərəmovun azadlığa buraxılması ilə bağlı Xətai rayon Məhkəməsinin qərarından narazı qalan prokuror apellyasiya protesti vermişdi.
Azərbaycan MMA və Qrapplinq Federasiyasının qarışıq döyüş növləri üzrə baş məşqçisi Ruslan Əfəndiyev və 3 tələbəsi digər MMA döyüşçüsü Həsən Əzizovun şikayəti əsasında açılmış cinayət işi üzrə həbs edilmişdilər.
