Vətəndaşların pulunu ələ keçirməkdə təqsirləndirilən şəxslərin cinayət işi üzrə məhkəmə iclası davam etdirilib. Bu haqda Bakuplus.az 3 iyul tarixində Report-a istinadən məlumat verir.
İclas Bakı Ağır Cinayətlər Məhkəməsinin hakimi Səbuhi Hüseynovun sədrliyi ilə keçirilib. Proses zamanı təqsirləndirilən Kənan Qurbanovun vəkili vəsatət qaldıraraq müvəkkili barəsində ev dustaqlığı qətimkan tədbirinin seçilməsini istəyib. Məhkəmə vəsatəti təmin edib.
İttihama görə, Kənan Qurbanov və Nаtiq Qurbаnоv özlərini Əmlak Məsələləri Dövlət Xidmətinin vəzifəli şəxsləri ilə yaxın əlaqələri olan şəxslər kimi göstəriblər. Onlar torpaq sahələrinin özəlləşdirilməsi və daşınmaz əmlaka dair saxta sənədlərin təqdim edilməsi yolu ilə ayrı-ayrı vətəndaşlara məxsus ümumilikdə 146 min manat məbləğində pul vəsaitini ələ keçiriblər.
Onların barəsində bir necə maddə ilə ittiham elan edilməklə K. Qurbanov barəsində məhkəmənin qərarı ilə həbs, N. Qurbanov barəsində isə polisin nəzarəti altına vermə növündə qətimkan tədbirləri seçilmişdi.
