Bakı Nəqliyyat Agentliyi qanunsuz parklanma sahələri ilə bağlı müraciət edib. Bu haqda Report məlumat yayıb.
“Bəzən küçə və prospektlərdə, xüsusən də səkilərin olmadığı yerlərdə piyadalar üçün şərait yaratmaq əvəzinə asfalt örtük döşənərək qanunsuz parkinq yeri təşkil edilir. Bu isə piyadaların hərəkətini daha da çətinləşdirməklə yanaşı, həm də təhlükə riskini də artırır.”- deyə qurum bildirir.
Bununla bağlı BNA aidiyyəti qurumları əməkdaşlıq etməyə dəvət edir.
Bakı Nəqliyyat Agentliyinin təşkil elədiyi layihə əsasında 25 küçə və prospektdə ümumilikdə 45 km uzunluğunda səkilər yaradılıb.
Hal-hazırda bərpa işləri Ş. Mehdiyev küçəsindən Tbilisi prospekti istiqamətində aparılır. Yaxın günlərdə isə Ə.Haqverdiyev küçəsində analoji işlərə başlanılacaq.
