Xocalı soyqırımının 30-cu ildönümünün anım günü ilə əlaqədar paytaxtın mərkəzi yollarında avtomobillərin hərəkəti məhdudlaşdırıldığı üçün avtobus marşrutlarının hərəkəti müvəqqəti olaraq dəyişdirilib. Bu haqda bu gün, 25 fevral tarixində Bakı Nəqliyyat Agentliyinin mətbuat xidməti məlumat verib.
Dəyişikliklər ümumilikdə 20 marşrutu (1, 2, 4, 5, 6, 10, 18, 21, 30, 32, 46, 49, 53, 65, 88, 125, 127, 175, 205 və H1) əhatə edir. Bu marşrut xətləri üzrə avtobusların hərəkəti alternativ küçə və prospektlər üzrə təşkil olunacaq.
Dəyişiklik 26 fevral 2022-ci il saat 07:00-da başlayacaq və məhdudiyyət tamamilə aradan qaldırılana qədər davam edəcək.
