Bakı Nəqliyyat Agentliyi (BNA) ictimai nəqliyyat istifadəçiləri üçün əlavə çətinliklər yaratdıqlarına görə minik avtomobil sürücülərini ictimai qınaq kampaniyasına başlayıb. Bununla əlaqədar avtobusun hərəkət zolağının tələblərinin pozulması ilə bağlı müşahidə kameraları tərəfindən qeydə alınan görüntülər qurumun sosial şəbəkələrində yayımlanır.
Bəzi sürücülər avtobus zolağının tələblərinə əməl etmir. Belə hallara daha çox Q.Qarayev, Babək və M.Useynov prospektlərində, eləcə də M.Xadi, M.Füzuli, Y.Səfərov, Ə.Rəcəbli küçələrində rast gəlinir. Bu səhvlərə görə avtobusların hərəkət cədvəlində gecikmələr olur. Nəticədə avtobus dayanacaqlarında və avtobuslarda sərnişin sıxlığı yaranır.
İctimai nəqliyyat üçün ayrılmış zolaqlar xüsusi olaraq avtobus sərnişinləri səyahətə daha az vaxt keçirməsi üçün nəzərdə tutulub. Qərar həm Bakı sakinlərinin şəxsi avtomobillərdən daha çox ictimai nəqliyyatdan istifadə etmələrini təmin etmək məqsədilə də qəbul edilib.
