Bakıda və Abşeron yarımadasında bu gün, 5 mart tarixində hava qəflətən kəskin pisləşəcək. Bu haqda Milli Hidrometeorologiya Xidməti məlumat yayıb.
Verilən məlumata əsasən gün ərzində cənub-qərb küləyinin 15-20 m/s, gündüz saatlarında arabir 23-28 m/s-dək güclənəcəyi, axşam mülayimləşəcəyi gözlənilir.
Gözlənilən hava şəraiti ilə əlaqədar olaraq əhaliyə diqqətli olmaq, müvafiq təhlükəsizlik qaydalarına ciddi əməl etmək və güclü küləyin yaratdığı təhlükələrdən qorunmaq üçün qəti zərurət olmadıqda küçəyə çıxmamaq məsləhət görülür.
