Bu gün I ixtisas qrupu üzrə ali təhsil müəssisələrinə qəbul imtahanı keçirilir. Bu haqda bu gün, 22 iyul tarixində Bakuplus.az xəbər verir.
İmtahanlar Bakı ilə yanaşı, daha 16 şəhərdə təşkil olunur. Kütləviliyin qarşısının alınması məqsədilə imtahan binasına müxtəlif daxilolma vaxtları müəyyən edilib və buraxılış vərəqəsində həmin vaxt göstərilib. İmtahanlar saat 10:00-da başlayıb.
Bugünkü imtahanda 22.441 abituriyentin iştirakı nəzərdə tutulub. İmtahanlarda fiziki məhdudiyyətli şəxslər də iştirak edirlər. Onlar üçün imtahan binalarında zallar ayrılıb, gözdən əlillərə tapşırıqların oxunması, cavab vərəqinin doldurulması və s. işlər üçün fərdi nəzarətçilər təyin edilib. Hərəkət məhdudiyyətli abituriyentlərin bina və zala daxil olması üçün şərait yaradılıb.
