Bu gün, 20 iyul tarixində Şən və Hazırcavablar Klubunun (KVN) “Bakılı oğlanlar” (“Parni iz Baku”) komandasının kapitanı, Avrasiya Televiziya və Radio Akademiyasının (EATR) akademiki, ictimai xadim, Milli Məclisin deputatı mərhum Anar Məmmədxanovun doğum günüdür. Bu haqda bu gün, 20 iyul tarixində Bakuplus.az məlumat verir.
Anar Məmmədxanov 1970-ci ildə Bakıda anadan olub, paytaxtdakı 160 nömrəli orta məktəbi bitirib, daha sonra - 1987-ci ildə Azərbaycan Dövlət Universitetinin Mexanika-riyaziyyat fakültəsinə daxil olub.
Məmmədxanov 1988-ci ildə məşhur “Bakılı oğlanlar” komandasını yaradıb, 1991-ci ildən isə Bakı Şəhər Şən və Hazırcavablar Klubunun (KVN) prezidenti olub. Onun rəhbərliyi altında “Bakılı oğlanlar” 1992-ci ildə KVN Ali Liqasının çempionu, 1993-cü ildə KVN Ali Liqasının finalçısı, KVN Yay Kubokunun sahibləri (1995) və “20-ci əsrin on ən yaxşı komandası turniri”nin (2000) çempionu olub.
Anar Məmmədxanov 41 yaşında ürək çatışmazlığı nəticəsində Bakıda vəfat edib. Onun bir oğlu və iki qızı yadigar qalıblar.
