Erməni daşnaklarının bolşeviklərlə birgə azərbaycanlılara qarşı həyata keçirdiyi soyqırımından 108 il ötür.
Bakuplus.az məlumat verir ki, 1918-ci ilin 30 mart və 3 aprel tarixləri arasında Bakı Sovetinin ordusu və daşnak erməni silahlı dəstələri azərbaycanlılara qarşı soyqırımı törədiblər.
Onlar Bakı şəhərində və Bakı quberniyasının müxtəlif bölgələrində, eləcə də Şamaxı, Quba, Xaçmaz, Lənkəran, Hacıqabul, Salyan, Zəngəzur, Qarabağ, Naxçıvan və digər ərazilərdə azərbaycanlıları kütləvi şəkildə vəhşicəsinə qətlə yetiriblər. Nəticədə on minlərlə dinc sakin ermənilər tərəfindən vəhşicəsinə öldürülüb, yaşayış məntəqələri dağıdılıb, mədəniyyət abidələri, məscid və qəbiristanlıqlar yerlə yeksan edilib.
Ermənilər həmin vaxt Gəncəyə də hücuma hazırlaşırdılar. 1918-ci ildə Qafqaz İslam Ordusunun Göyçay döyüşündə Bakı Sovetinin ordusunu məğlub etməsi bu planların üzərindən xətt çəkib.
26 mart 1998-ci il tarixində ulu öndər Heydər Əliyev tərəfindən martın 31-nin Azərbaycanlıların Soyqırımı Günü kimi qeyd olunması haqda Sərəncam imzalanıb.
