Bu il I sinfə qəbul olunan şagirdlərin sayı açıqlanıb. Bu haqda bu gün, 19 avqust tarixində Bakuplus.az Məktəbəqədər və Ümumi Təhsil üzrə Dövlət Agentliyinə stinadən xəbər verir.
Agentliyindən məlumat verib ki, mayın 1-dən bu günə qədər ümumilikdə 127 mindən çox uşaq I sinfə qəbul edilib.
Qeyd edilib ki, 2024-25-ci tədris ili üçün birinci sinfə qəbulu proqnozlaşdırılan məktəbyaşlı uşaqların sayı ilə qeydiyyatdan keçənlərin sayında fərq müşahidə edilir.
Agentlik valideynlərə müraciət edərək bildirib ki, tədris ili yaxınlaşdıqca ümumi təhsil müəssisələrində uşaqların qeydiyyatının aparılması, sənədləşmə işlərinin dəqiq və vaxtında başa çatdırılması baxımından bu mərhələnin əhəmiyyəti vacibdir.
"Bunu nəzərə alaraq övladlarının 2024-25-ci tədris ili üzrə I sinfə elektron qəbulu prosesini həyata keçirmək istəyən valideynlər mektebeqebul.edu.az saytı vasitəsilə şəxsi kabinet yaradaraq məktəb və müəllim seçimi edə bilərlər", - müraciətdə qeyd olunub.
