Dənizkənarı Milli Parkda uca səslə qışqıran, qeyri-adekvat hərəkətlər edən gənc Psixiatriya Xəstəxanasına yerləşdirilib. Bu haqda bu gün, 13 iyun tarixində Bakuplus.az Qafqazinfo-ya istinadən məlumat verir.
Daxili İşlər Nazirliyinin mətbuat xidmətinin əməkdaşı Nurlan Əliyev bildirib ki, həmin gəncin şəxsiyyəti müəyyən edilib.
“İyunun 4-ü və 5-də Dənizkənarı Milli Park ərazisində uca səslə nalayiq ifadələr işlədən şəxslə bağlı vətəndaş müraciətləri daxil olub. Sağlamlıq vəziyyəti nəzərə alınaraq 1997-ci il təvəllüdlü M.Abbasov 1 saylı Respublika Psixiatriya Xəstəxanasına yerləşdirilib, hazırda onun müalicəsi davam etdirilir”, - deyə Əliyev bildirib.
Həmin oğlan ötən həftə bulvarda qışqıraraq kənddən gəldiyini, sevdiyi qızı axtardığını deyib.
