Yeni Suraxnı qəsəbəsinin sakinləri gənclərin asudə vaxtının səmərəli təşkil edilməməsindən, bunun üçün heç bir şəraitin olmamağından narazıdırlar.
Bu barədə Bakuplus.az-a danışan qəsəbə sakini Ələddin Xələfli deyib ki, “8 mart” Mədəniyyət evində istilik sistemi yoxdur: “Mədəniyyət evində nə istilik sistemi var, nə də kondisioner sistemi. Qışda soyuqdan, yayda da istidən orada oturmaq mümkün deyil. Buna görə də bir zamanlar olduğu kimi dərnəklərin təşkili mümkün deyil. Qəsəbənin mərkəzində əvvəllər sənaye mağazası kimi fəaliyyət göstərmiş tikili var. Orda uşaqlar idmanla məşğul olurlar. Amma elə çirkli yerdir ki, orada sağlamlıq yox, ancaq xəstəlik qazanmaq olar”.
Ələddin Xələfli deyib ki, qəsəbədəki idman meydançası da normal vəziyyətdə deyil: ““İki il öncə idman meydançasının tikintisinə başladılar. Hətta gənclər və idman naziri Fərid Qayıbov da gəlmişdi. Amma işlər tamamlanmadı. Bir müddət əvvəl isə Bakıya güclü yağışlar yağanda stadionu su basdı.
Süni ot örtüyü sıradan çıxdı. Arada gəlib baxıb gedirlər. Heç bir irəliləyiş yoxdur. Niyə bizim qəsəbənin uşaqları gedib başqa qəsəbələrdə məşq etməlidir? Valideynlər də nigaran qalırlar ki, görən necə getdi uşaq, necə gələcək? Olanı sökdülər, yenisini də tikib başa gətirə bilmirlər”.
Yeni Suraxanı qəsəbəsi sakinləri ümidlidirlər ki, yaxın zamanlarda sadalanan problemin aradan qaldırılması üçün müvafiq orqanlar lazımi addımları atacaqlar.
Kamran Rza
