Aşağıbüdcəli “Buta Airways” aviaşirkəti Türkiyənin məşhur şəhərlərinə – İstanbul, İzmir və Ankaraya gedən sərnişinlər üçün yeni aksiyaya başlayıb. Bu haqda bu gün, 4 mart tarixində Bakuplus.az şirkətin mətbuat xidmətinə istinadən məlumat verir.
Martın 27-dən aprelin 18-dək bu şəhərlərə gediş-gəliş biletləri alınarkən hər bir sərnişinə çəkisi 23 kq-a qədər olan bir əlavə pulsuz baqaj verilir.
Bundan əlavə, AZAL Miles loyallıq proqramının iştirakçıları bu istiqamətlərə hər uçuş üçün ikiqat mil əldə edəcəklər.
Aksiya üzrə aviabiletlərin rəsmiləşdirilməsi üçün sərnişinlər son tarix aprelin 18-i olmaqla AZAL aviaşirkətinin bütün akkreditə olunmuş agentliklərinə və ya callcenter@butaairways.az elektron poçtu vasitəsilə aviaşirkətin çağrı mərkəzinə müraciət edə bilərlər.
Tez-tez uçanlar üçün AZAL Miles loyallıq proqramı haqqında daha ətraflı məlumatı https://www.azal.az/az/azal-miles/terms-and-conditions linkindən əldə etmək olar.
