Bakı Metropoliteni bir müddətdir ki, “Cəfər Cabbarlı” stansiyasında yenidənqurma və tikinti işlərinə başlayıb. İşlər ilk olaraq yerüstü ərazidə başlanıb. Bu haqda Bakı Metropliteninin mətbuat xidmətinin rəhbəri Bəxtiyar Məmmədov APA-ya məlumat verib.
İlk növbədə stansiya konstruksiyasının mühafizəsinin gücləndirilməsi planlaşdırılır. Bu mərhələ ərzində stansiya üzərində izolyasiya qatı yaradılacaq, kommunikasiya xətləri yenidən qurulacaq və stansiyanın yağıntı sızmalarından qoruması üçün drenaj sistemi yaradılacaq.
Bundan sonra stansiyada döşəmə daş örtüyünün üzərində zədələnmiş hisslər yenisi ilə əvəz ediləcək. Bu işlər yekunlaşdıqdan sonra ətraf ərazinin estetik görkəminin uyğunluğuna xüsusi diqqət yetiriləcək.
Məmmədovun sözlərinə görə, işlər bir neçə istiqamətdə aparılır. Bunun əsas səbəblərindən biri təmiri sürətlə başa çatdırmaq və ətraf ərazidən keçən sərnişinlərin rahat və təhlükəsiz hərəkətini təmin etməkdir.
