Aşpazlıq üzrə Milli müsabiqə elan olunur. Bu barədə Peşə Təhsili üzrə Dövlət Agentliyi məlumat yayıb.
Müsabiqə “WorldSkills Shanghai 2022” beynəlxalq bacarıq yarışlarında iştirakçıları müəyyənləşdirmək üçün təşkil olunur.
Milli yarış 5 mərhələdən ibarət olacaq. Ən yaxşı nəticə göstərən 5 iştirakçı "CÀSÀ" Kulinariya Mərkəzində ödənişsiz əsaslarla peşəkar aşpaz mütəxəssislərin hazırladığı təlim-təcrübə proqramına cəlb olunacaq. Ən sonda 5 nəfər arasında təşkil olunacaq imtahanda 3 aşpaz “WorldSkills Shanghai 2022”ə vəsiqə qazanacaq.
5 Noyabr 2021-ci il tarixinədək 17 - 22 yaş arası aşpazlıq bacarıqlarına sahib olan gənclər qeydiyyatdan keçə bilərlər.
