Ötən gün, 21 sentyabr tarixində Azərbaycan Respublikasının xarici işlər naziri Ceyhun Bayramov BMT Təhlükəsizlik Şurasının iclasında çıxış edib. Çıxış zamanı nazir Azərbaycan ərazilərinin minalanması məsələsini qaldırıb. Bu haqda bu gün, 22 sentyabr tarixində Bakuplus.az məlumat verir.
Onun sözlərinə görə, Azərbaycan-Ermənistan sərhədi boyunca Kəlbəcər və Laçın rayonlarında 1119 mina, Qarabağ İqtisadi Rayonunda isə 1609 mina aşkarlanaraq zərərsizləşdirilib:
“2020-ci ilin Üçtərəfli Bəyanatından sonra Azərbaycanda 2022-ci ilin avqust ayından indiyədək 2021-ci ildə Ermənistanda istehsal edilmiş, ümumilikdə 2728 mina aşkarlanaraq zərərsizləşdirilib”.
Bayramov 2020-ci ilin noyabr ayında Üçtərəfli Bəyanatın imzalanmasından bugünədək 314 nəfərin minaların qurbanı olduğunu qeyd edib.
