Avropa İttifaqı Qarabağ erməniləri üçün 500.000 avro dəyərində humanitar yardım ayırır.
Borel Azərbaycanı yardımları çatdırmağa kömək etməyə çağırır.
Aİ Azərbaycan və Ermənistanın ərazi bütövlüyünü tanıdığını vurğulayır.
Türkiyə nümayəndəsi : "Son 3 ildə görürük ki, Ermənistan tərəfi bəyanatı icra etməmişdir. Xankəndidəki qondarma rejimlər fəaliyyətini davam etdirir. Ermənistan öz vədlərini təmin etməli, Zəngəzur dəhlizini açmalıdır. Qarabağ Azərbaycan ərazisidir".
Azərbaycan XİN rəhbəri Ceyhun Bayramov: "Bu ermənilərin Qarabağda olan ağır texnikalarıdır. Bu texnikalar sülhpərvər məqsədlər üçün yerləşdirilməyib. Heçbir suveren ölkə öz ərazisində belə qanunsuz silahlı dəstələrinin yerləşdirilməsini qəbul etməz”.
Həmçinin C.Bayramov BMT Təhlükəsizlik Şurasının iştirakçılarını Azərbaycanın daxili problemlərinə qarışmamağa çağırdı.
Ermənistan XİN rəhbəri Ararat Mirzoyan:
“Qarabağın bütün ərazisi qadağan olunmuş kasetli sursatlar da daxil olmaqla, ayrı-seçkilik olmadan atəşə tutulub”.
Həmçinin Ermənistan, BMT-ni Qarabağda sülhməramlı kontingent yaratmağa çağırır.
ABŞ nümayəndəsi: "Qarabağda hərbi əməliyyatların dayandırılması inkişafa səbəb olacaq
ABŞ Qarabağda baş verənlərdən narahatdır və biz bu fəaliyyətlərin dayandırılmasına çağırış edirik".
Fransanın XİN rəhbəri Ketrin Kolonna:
"Biz passiv ola bilmərik, çünki o zaman əhalinin kütləvi mühacirətində şərik olacağıq".
23:33 - BMT Təhlükəsizlik Şurasının iclası başlayıb
Nyu-Yorkda BMT Təhlükəsizlik Şurasının iclası keçirilir. Bu haqda bu gün. 21 sentyabr tarixində Bakuplus.az təşkilata istinadən xəbər verir.
BMT Təhlükəsizlik Şurasında Qarabağla bağlı müzakirələr başlayıb. İclasda Azərbaycanın xarici işlər naziri Ceyhun Bayramov iştirak edir.
