ADA Universitetində COP29 ilə bağlı tədbir keçirilib. Bu haqda bu gün, 24 aprel tarixində Bakuplus.az Azərtac-a istinadən xəbər verir.
“COP29 və Azərbaycan üçün Yaşıl Baxış” mövzusunda beynəlxalq forum çərçivəsində xarici ekspertlərin gənclərlə görüşü keçirilib.
Tədbirdə ADA Universitetinin rektoru Hafiz Paşayev, Diasporla İş üzrə Dövlət Komitəsinin sədri Fuad Muradov və Gənclər Fondunun icraçı direktoru vəzifəsini icra edən Qədir Xəlilov iştirak ediblər.
Otuz ölkədən 64 ekspertin iştirakı ilə baş tutan interaktiv müzakirədə aktual ekoloji problemlərin həlli yönündə dayanıqlı metodların işlənib-hazırlanmasında Azərbaycanın digər ölkələr və qlobal təşkilatlarla əməkdaşlıqda malik olduğu böyük imkanlar vurğulanıb.
Görüşün davamında gənc iştirakçılar iqlim məsələlərinə ümumi münasibəti, bu istiqamətdə təşəbbüsləri, mövcud geosiyasi vəziyyətin və yeni nəsil innovasiyaların ətraf mühitlə bağlı trendlərin inkişaf dinamikasına olan təsiri ilə bağlı fikirlərini beynəlxalq ekspertlərlə bölüşərək, onlara öz suallarını ünvanlayıblar.
[caption id="attachment_136116" align="alignnone" width="640"]
Foto Azərtac[/caption]
